میں یہ کہتا ہوں مرے اغیار رہتے تھے یہاں

چاند سورج رات دن بارش زمیں بادل فلک

اِن سے بڑھ کر بھی بہت کردار رہتے تھے یہاں

اب جہاں دیکھوں نظر آتے ہیں میخانے وہاں

شہر میں بس عشق کے بیمار رہتے تھے یہاں۔۔۔

کچھ تو ایسے جن کی کوئی مثل بھی ملتی نہ تھی

کچھ مرے جیسے بہت بے کار رہتے تھے یہاں

کس گلی میں اب ہیں جانے ان کی جلوہ ریزیاں

میں کہاں تھا جب مرے سرکار رہتے تھے یہاں

کاغزی کشتی سمندر کے کنارے دیکھ کر

یوں لگا خرم کہ میرے یار رہتے تھے یہاں

ہر نئی چوٹ بھی چہرے پہ ہنسی لے آئے
دیں مزہ غم بھی اگر بے شمار ہو جائیں

تیرے ہی در سے جڑے ربط نے قائم رکھا
راندہِ در جو ہوں شاید غبار ہو جائیں

چارہ گر! مجھ کو دوا دے کوئی ایسی جس سے
دل میں چبھتے ہوئے کانٹے بہار ہو جائیں

لفظ تو لفظ ہیں پابند ہوں کیسے فارس
توڑ کر بندشیں پھر بے مہار ہو جائیں

از صبیح الحسن

ایک مریضہ کی نبض تھامے اس کے دل کا حال جاننے کی تگ و دو میں تھے اور یہ قطعاً بھول چکے تھے کہ وہ پچھلا مریض جسے پانچ منٹ قبل منہ کھولنے کا کہا تھا ابھی تک منہ پھاڑے ان کو گھور رہا ہے۔
جب اس پر نظر پڑی تو ہڑبڑا کر اس کے منہ کے غار میں تھرمامیٹر ٹھونسا اور منہ بند کر دیا۔۔ ۔ ۔ چند منٹ بعد تھرما میٹر نکالا اور عینک درست کرتے ہوئے درجہ حرارت پڑھنے کی کوشش کی ۔ ۔ ۔ تھرمامیٹر کچھ مختلف سا محسوس ہوا۔ ۔ ۔ غور کیا تو سر پیٹ لینے کو دل چاہا ۔ ۔ ۔ یہ تو ان کی بال پوائنٹ تھی۔ ڈرتے ڈرتے مریض کی جانب دیکھا جو انتہائی شوق سے بولا۔

’’سر جی ایہہ تھرمامیٹر وچ پنسل ضرور چائنہ آلیاں لائی ہونی اے۔ ۔ ۔ بڑے ای تیز بندے نیں جی۔ ۔ فیر کِنا بخار اے جی؟؟‘‘
(سر جی یہ تھرمامیٹر میں پنسل ضرور چائنہ والوں نے لگائی ہوگی، بہت تیز بندے ہیں جی۔ پھر کتنا بخار ہے مجھے؟)

ڈاکٹر صاحب نے بھی جلدی سے اپنی غلطی پر پردہ ڈالا اور بولے۔
’’ہاں ہاں ۔ ۔ ۔ نوے ڈگری کا بخار ہے۔ ۔ ۔اچھا کیا جلدی آ گئے ورنہ بچنا مشکل ہو جاتا۔‘‘

ڈاکٹر صاحب نے چند گولیاں نکالیں اور بولے۔ ۔
’’یہ گولیاں کھا لینا ۔ ۔ ۔ اللہ نے چاہا تو شفا بھی ہو ہی جائے گی۔‘‘
مریض نے ایک نگاہ گولیوں پر ڈالی اور بولا۔

’’ڈاکٹر جی یہ ساری گولیاں میں نے ہی کھانی ہیں؟‘‘
ڈاکٹر صاحب جھنجھلا کر بولے۔ ۔ ۔
’’گھر میں کتنے بندے ہیں؟‘‘
’’نو جی‘‘
وہ انگلیوں پر گن کر بولا۔
’’یہ لو پانچ گولیاں اور۔ ۔ ۔ سب کو ایک ایک دے دینا۔‘‘
مریض نے یوں خوش ہو کر سر ہلایا جیسے ڈاکٹر صاحب سے اسی رعائت کی امید تھی اور اٹھ کر چلا گیا۔

ڈاکٹر صاحب نے سکون کا سانس لیا اور اگلی مریضہ کی جانب متوجہ ہوئے۔۔ ۔ ۔
’’جی بہن ! آپ کا سینے کا ایکسرے ہو گیا۔ ۔ ۔ ۔ دکھائیے ادھر۔‘‘
ڈاکٹر صاحب نے ایکسرے تھاما اور ایک سرسری نگاہ ڈالی۔ ۔
اچانک چونک پڑے اور اور عینک درست کرتے ہوئے دوبارہ ایکسرے سامنے کیا۔
تھوڑی دیر غور فرماتے رہے پھر بولے۔

’’وہی ہوا جس کا ڈر تھا ۔ ۔ ۔ ایک تو پتہ نہیں آپ لوگ اتنی لاپروائی کیوں کرتے ہیں۔‘‘
’’کیسی لاپروائی ڈاکٹر صاحب؟؟‘‘ مریضہ کے ساتھ والی خاتون نے پوچھا۔

’’بھئی یہ میرے خیال سے پچھلے چند دن میں بیسواں کیس ہے جس کا ٹی بی کی وجہ سے پھیپھڑا ہی غائب ہو چکا ہے۔ آپ لوگ پہلے چیک ہی نہیں کرواتے۔ ۔ ۔‘‘
’’ٹی بی۔ ۔ ۔ ۔ پھیپھڑا غائب۔ ۔ ۔ کیا کہہ رہے ہیں ڈاکٹر صاحب۔ ۔ ۔؟؟‘‘
مریضہ کو غش سا آیا۔

’’لو جی ۔ ۔ ۔ آپ خود ہی دیکھ لیں۔‘‘ ڈاکٹر صاحب نے ایکسرے مریضہ کے سامنے کیا اور ایک بالکل کالی جگہ اشارہ کیا۔
’’یہاں کبھی آپ کا پھیپھڑا ہوا کرتا تھا۔۔ ۔ ۔‘‘
’’اب کہاں ہے؟‘‘
’’ٹی بی کھا گئی۔ ۔ ۔‘‘
اور ساتھ ہی مریضہ نے بھاں بھاں کر کے رونا شروع کر دیا۔

’’اب کیا ہو گا جی؟؟‘‘
’’ہو گا کیا ۔ ۔ ۔ نو ماہ لگاتار علاج ہو گا۔‘‘
نو ماہ کا سن کر مریضہ کی آہ و بکا میں اضافہ ہو گیا۔
’’لوگ پروا ہی نہیں کرتے کل ایک آیا اس کا بایاں گردہ غائب تھا۔‘‘
ڈاکٹر صاحب نے مریضہ کو دوا کی پرچی بنا کر دی اور تسلی دے کر فارغ کیا۔۔ ۔ ۔

ایک اور مریض مسمی سی صورت بنائے کھڑا تھا۔ ڈاکٹر صاحب اس کی جانب متوجہ ہوئے اور فرمایا۔ ۔ ۔
’’کیوں بھئی تمہارا بھی پھیپھڑ ا غائب ہے کیا؟‘‘
وہ رونی آواز میں بولا۔ ۔ ۔
’’ڈاکٹر جی ۔ ۔ ۔ جء گل پھیپھڑے دی ہوندی تے رولا ای کوئی نائی ۔ ۔ ۔ پر میڈا تے کھبا ادھا دل ای گواچ گیا اے۔‘‘
(ڈاکٹر صاحب ۔ ۔ ۔ اگر بات پھپھڑے کی ہوتی تو مسئلہ ہی کوئی نہیں تھا پر میرا تو بایاں آدھا دل ہی غائب ہے۔)
ڈاکٹر صاحب کو لگا کہ شاید انہیں سننے میں مشکل ہوئی ہے لیکن جب دوبارہ یہی جواب ملا تو گڑبڑا گئے۔ ایکسرے دیکھا تو واقعی آدھا دل نہیں تھا۔
ان کے ذہن میں کچھ چبھ سا رہا تھا۔ اسی دوران نگاہ اس ٹی بی والی مریضہ کے ایکسرے پر پڑی جو وہ وہیں چھوڑ گئی تھی۔
اس کو اٹھا یا اور اس پر دوبارہ نگاہ دوڑائی۔ ۔ ۔
اچانک ذہن میں جھماکا سا ہوا۔ ۔ ۔ پھیپھڑا تو ٹی بی کھا گئی پر یہ بائیں جانب کی پسلیاں کون کھا گیا۔
تبھی ان کے ذہن میں جواب ایک جھماکے کی طرح آیا ان کی ایکسرے مشین کی ایک سائیڈ ہی بلینک ہو چکی تھی۔۔ ۔ ۔
وہ سر پکڑ کر بیٹھ گئے۔ ۔ ۔

بمشکل گمشدہ دل والے مریض کو یقین دلایا کہ اس کا دل اس کے سینے میں ہی ہے۔ اس کو یقین نہیں آتا تھا اور وہ یہی سمجھتا تھا کہ ضرور ڈاکٹر کوئی چکر چلا رہا ہے۔وہ بار بار کہتا۔ ۔ ۔
’’سر جی پر مینوں کھبے پاسے دل محسوس نہیں ہوندا۔‘‘
(سرجی پر مجھے بائیں طرف دل محسوس نہیں ہو رہا۔)
پر ڈاکٹر صاحب نے زبردستی اسے رخصت کیا ۔ ۔ ۔ ان کے ذہن میں وہ بیس کے قریب مریض گھوم رہے تھے جن کا وہ پچھلے دو ہفتے سے ٹی بی کا علاج کر رہے تھے۔

]]> http://nawaiadab.com/%da%88%d8%a7%da%a9%d9%b9%d8%b1-%db%81%d9%88-%d8%aa%d9%88-%d8%a7%db%8c%d8%b3%d8%a7%db%94/feed/ 0 http://nawaiadab.com/%d8%b4%d9%81%db%8c%d9%82-%d8%b3%d9%84%db%8c%d9%85%db%8c-%db%94%db%94%db%94%db%94%db%94%d8%a7%db%8c%da%a9-%d9%85%d8%b7%d8%a7%d9%84%d8%b9%db%81-%db%94%db%94%db%94%db%94%d9%86%d9%88%db%8c%d8%af-%d8%b5/ http://nawaiadab.com/%d8%b4%d9%81%db%8c%d9%82-%d8%b3%d9%84%db%8c%d9%85%db%8c-%db%94%db%94%db%94%db%94%db%94%d8%a7%db%8c%da%a9-%d9%85%d8%b7%d8%a7%d9%84%d8%b9%db%81-%db%94%db%94%db%94%db%94%d9%86%d9%88%db%8c%d8%af-%d8%b5/#comments Mon, 11 Apr 2011 07:52:15 +0000 admin http://nawaiadab.com/?p=1740 ”تمازت“ شفیق سلیمی کا پہلا اور تاحال آخری مجموعہ کلام ہے۔تمازت سے ہمارا پہلا تعارف1993ءمیں ہوا۔ اُن دنوں ہم لوگ غریب الوطنی کے پہلے تجربہ سے گزر رہے تھے۔بغرضِ تعلیم ہاسٹل میں رہائش پذیر تھے۔اُن کے اشعار دل میں اترتے چلے گئے کہ حسبِ حال معلوم ہوئے۔ اور ان کا یہ شعر

بے نام دیاروں کا سفر کیسا لگا ہے
اب لوٹ کے آئے ہو تو گھر کیسا لگا ہے

اکثر ہماری زبان سے نکل جایا کرتا تھا۔بعد ازاں مختلف ادبی جرائد میں ان کا” تمازت“ کے بعد کاکلام نظر سے گزرتا رہا۔پھر جب 2003ءمیں بسلسلہ روزگار دیارِ غیر جانا پڑا تو ان کے اشعار میں پنہاں کرب ہم پر کھلتا چلا گیا۔اور محسوس ہوا کہ شفیق سلیمی نے تو ہوبہو ہماری داستانِ سفر رقم کر ڈالی ہے۔

سفر وسیلہ ظفر بھی ہے، گیان کا راستہ بھی اور مصائب کا کوہِ گراں بھی۔ غریب الوطنی وہ آفاقی موضوع ہے کہ کم و بیش تمام دنیا کے اہلِ قلم اسے اپنا موضوع بناتے آئے ہیں۔اب دیکھنا یہ ہے کہ سفر اور غریب الوطنی کے موضوع میں شفیق سلیمی کو ایسا کیا دکھائی دیا اور انہوں نے اس سارے تجربہ میں ایساکیا کھویا، کیا پایاکہ تمازت کے کم و بیش نوے فیصدی اشعار اسی موضوع سے متعلق ہیں۔
قدیم زمانہ میں سفر علم کے حصول کا ایک راستہ تھا ۔ لیکن فی زمانہ آسودگی، معاشی مسائل سفر کی ایک بنیادی وجہ بن کر سامنے آتے ہیں۔ شفیق سلیمی کے ہاں اس سفر کی بنیادی وجہ معاشیات سے متعلق ہی معلوم پڑتی ہے کہ علم کا حصول کہیں بھی منشاءبن کر سامنے نہیں آ پایا۔ لیکن شفیق سلیمی کا کمال ہے کہ انہوں نے معاشی مسائل کو اپنے اشعار میں نمایاں نہیں ہونے دیا۔گو کہ کہیں کہیں اس کی جھلکیاں دکھائی دیتی ہیںلیکن یہ تقریباً نہ ہونے کے برابر ہیں۔قصہ مختصر شفیق سلیمی کے اشعار ان کے ذوقِ آوارگی پر دال ہیں۔ سفر میں رہنا ان کی سرشت ہے۔کیا ہو گا؟ کیا نہیں ہو گا؟اس سے انہیں آغازِ سفر میں کچھ غرض نہیں ۔وہ سفر جو اُن کے اشعار میں بغیر کسی مقصد کے آغاز ہوتا ہے ، اس کے انجام پر وہ اپنا احتساب کرتے نظر آتے ہیں۔انہوں نے کہیں بھی سفر کے محرکات پر کھل کر بات نہیں کی لیکن سفر اور غریب الوطنی کے متعلقات کو اپنا موضوع بنایا ہے۔ ان پر کیا گزری؟ انہوں نے کیا پایا؟ انہوں نے کیا کھویا؟ یہ وہ موضوعات ہیں جن پر شفیق سلیمی نے کھل کر بات کی ہے۔

اپنا تو کام ہے ہر حال میں چلتے رہنا
ہم تمیزِ رہ و منزل میں نہیں پڑتے ہیں

ریگِ روں پہ نقشِ کفِ پا تراشنا
اک منظرِ سراب سے دریا تراشنا

کون سا سودا ہے سر میں، کس کے قابو میں ہے دل
ہر قدم صحراؤں میں ہے، ہر گھڑی وحشت میں ہوں

جانے کس ڈگر میں ہیں، بے جہت سفر میں ہیں
شہرِ کم نظر ہم بھی کب تری نظر میں ہیں

یہ سفر کسی تلاش و جستجو کا نتیجہ بھی ہو سکتا ہے۔

میں تھک گیا ہوں صدائیں نگر نگر دے کر
کہاں گیا وہ مرے پاؤں میں سفر دے کر

ننگی شاخیں گھور رہی تھیں ہم آوارہ سایوں کو
سبز رتوں کے بستر میں کچھ گونگے پتے بوئے تھے

ہر راہ پہ چلتا ہوں، رکھتا ہوں کھلی آنکھیں
شاید کہ نظر آئے جو دھیان میں بستا ہے

لیکن اس تمام ریاضتِ سفر کاا نجام شاعر کے حسبِ منشاءنہیں ہوتا اور اسے احساس ہوتا ہے کہ یہ سفر لایعنی تھا اور کچھ پانے کی جگہ وہ بہت کچھ ہار آیا ہے۔ پہچان چھن چکی ہے،منظر سراسر بدل چکا ہے۔

گھروں کی رونقیں وہی جو تھیں کبھی
مگر بھلا دئے گئے، گئے ہوئے

تمام عمر اڑانوں میں کاٹ دی ہم نے
تمام رنگ پروں کا پروں سے جاتا رہا

بے نام دیاروں سے ہم لوگ بھی ہو آئے
کچھ درد تھے چن لائے، کچھ اشک تھے رو آئے

توہینِ انا بھی کی، تحسینِ ریا بھی کی
یہ بوجھ بھی ڈھونا تھا یہ بوجھ بھی ڈھو آئے

پہچان کا ہر منظر انجان ہوا آخر
لگتا ہے کئی صدیاں اک غار میں سو آئے

سفر سے لوٹ آئے تھے مگر کیا دیکھتے ہیں
فضا بدلی ہوئی ہے، سب کا سب الٹا پڑا ہے

حکمائے قدیم کے نزدیک زندگی کی بابت ایک عام نظریہ یہ تھا کہ زندگی ایک قید خانہ ہے جس سے انسان اپنی مرضی سے فرارنہیں ہو سکتا۔ہمارے ہاں تصوف میں بھی زیادہ تر یہی ”نظریہ جبر“ کارفرما رہا ہے۔لیکن شفیق سلیمی کے ہاں اس قید خانے سے بھاگ نکلنے کی خواہش اور کوشش موجود ہے۔ یہ مروجہ رسوم اور طریقہ ہائے زندگی سے بیزاری کا رویہ بھی گردانا جا سکتا ہے۔پنجرا توڑ کر بھاگ نکلنا اپنی ایک اہمیت رکھتا ہے لیکن پنجرا توڑ کر صیاد کی بے بسی کا تماشا دیکھنے کا ایک اپنا لطف ہو گا جس سے شفیق سلیمی بخوبی آگاہ لگتے ہیں۔عدم نے کہا تھا

کس طرح ٹوٹتی ہیں زنجیریں
یہ بھی اک دن تجھے دکھاؤں گا
اے قفس کے محافظِ ناداں
میں اڑا تو نظر نہ آؤں گا
(عبدالحمید عدم)

اس قطعہ میں عدم کے ہاں پنجرا توڑ کر بھاگ نکلنے کا رویہ ہے، محافظِ قفس اس کی آزادی پر کس قسم کا ردِعمل دیتا ہے، کس بے بسی کے عالم میں ہے، اس سے اسے قطعاً غرض نہیں۔ لیکن شفیق سلیمی تو تماشا بینی کے شوقین ہیں۔

پنچھی توڑ اڑان کو نکلے، بے پر کے پنچھی
مار اُڈاری چھت پر جا بیٹھے گھر کے پنچھی

غالب نے کہا تھا

گو ہاتھ کو جنبش نہیں، آنکھوں میں تو دم ہے
رہنے دو ابھی ساغر و مینا مرے آگے
(غالب)

شفیق سلیمی کم و بیش اسی نظریہ حیات کے پیرو نظر آتے ہیں۔ اُن کے ہاںزندگی سے مسرت کا آخری قطرہ تک نچوڑ لینے کی خواہش اتنی شدید ہے کہ انتہائی تھکن اور دل شکستگی کے باوجود سفر کہ ان کی سرشت میں داخل ہے، کی خواہش نہیں جاتی۔

خواب تک نہیں باقی اب گرفتِ خواہش میں
ذائقے اڑانوں کے پھر بھی بال و پر میں ہیں

شاعر کے لاشعور کے کسی گوشہ میں یہ خوف بھی موجود ہے کہ اس کے بعد اس کی آئندہ نسل پر بھی یہ سفر واجب ہونے والا ہے۔لیکن یہاں قدرے مجبوری کا عنصر سامنے لایا جا رہا ہے۔

میرے آنگن کے شجر کو بھی سزا دی جائے گی
شاخ پر بیٹھی ہوئی چڑیا اڑا دی جائے گی

شفیق سلیمی کے ہاں تمام مصیبتیں جھیل لینے کے بعد ایک شادمانی کا احساس نظر آتا ہے۔ اور انہیں خیال گزرتا ہے کہ جو ہوا جیسا ہوا، اچھا نہ تھا تو اتنا برا بھی نہ تھا۔اس تلخیوں بھرے دور نے جہاں بہت کچھ چھین لیا وہاں کچھ دیا بھی۔یہ اور بات کہ اہلِ ظاہر کے نزدیک اس حاصل کی کوئی اہمیت نہیں

اپنی مٹی سے دوری کے احساس نے قربتیں بخش دیں
ایسا پانسا پڑا درد وہ مل گیا ہے جو نایاب تھا

مٹی سے دوری کے احساس سے جو قربتیں میسر آتی ہیں وہ اہلِ ظاہر پر نہیں کھل سکتیں۔ یہی وہ مقام ہے جہاں تخلیق کار اپنے اندر کی دنیاو¿ں کی سیاحت پر چل نکلتا ہے۔یہ نایاب درد کہ ایک ایسے کرب کی دین ہے جو ظاہری دنیا کے جو ر و ستم کا نتیجہ ہے ، ہر ایک کا مقدر نہیں ہوتا۔داخل کی دنیا کا سفر فلسفہ اور تصوف کے لئے راستے ہموار کرتا ہے۔
سفر کے حوالہ سے یہ احساسات شفیق سلیمی کے تجربات و عمیق مشاہدہ کی دین ہیں۔شفیق سلیمی کا احساس سراسر ایک منفرد طرز کا احساس ہے۔ ہو سکتا ہے یہاں آپ لوگ ناصر کاظمی کا نام لیں لیکن ناصر کاظمی کی ہجرت کی نوعیت قطعاً مختلف ہے۔مزید یہ کہ ناصر کاظمی اپنے شعری سفر کے آغاز میں ہی اندر کی دنیاو¿ں کی فتح میں لگ جاتے ہیں جبکہ شفیق سلیمی کا سفر خارج سے باطن کی جانب ہے۔یہ راستہ طویل سہی لیکن زیادہ نتیجہ خیز ہے۔
روزِ اول سے حکماء، دانشور اور شعراءاپنے معاشرے، اپنی ریاست کے سیاسی و معاشی مسائل پر غور و فکر کرتے آئے ہیں۔حکیم اپنے عہد کے مسائل پر غور و خوض کے بعد ان کا حل تجویز کرتا ہے۔شاعر اپنے معاشرے کو درپیش مسائل کی طرف اشارہ دیتا ہے۔اردو شاعری میں بھی شروع سے یہ سلسلہ موجود رہا ہے۔ شفیق سلیمی اپنی روایت سے مضبوطی سے جڑے ہوئے انسان ہیں۔ وہ اپنے عہد کے معاشی و معاشرتی و سیاسی معاملات کی بد نظمی پر گہری نگاہ رکھتے ہیں۔حکماءاس بات پر متفق ہیں کہ فرد سے زیادہ معاشرہ کی اصلاح ضروری ہے۔ جھوٹی انا، ناپائدار دولت و ثروت، جھوٹی شان و شوکت، زندگی کا مصنوعی پن سب کچھ ہمارے شاعر کو کَھل رہا ہے۔ہم انسانی تاریخ کے انتہائی تلخ و تاریک دور سے گزر رہے ہیں۔

سنگ و سگ و صدا سبھی پیچھے پڑے ہوئے
اک دوڑ سی ہے ہم میں برابر لگی ہوئی

پیکٹوں میں بند ہو کر اب بکے گی روشنی
بوتلوں میں شہر کو تازہ ہوا دی جائے گی

کوئی نکلے جواب کی صورت
چہرہ چہرہ سوال ہو گیا ہے

خار بڑھتے جا رہے ہیں، برگ و گل ناپید ہیں
کس نمو کا زہر پھیلا ہے شجر میں، دیکھنا

زندگی ہوتی رہی ہے بس اسی ڈھب سے شفیق
ہر یقیں مجھ کو نیا اک واہمہ دیتا رہا

پاکستان برِ صغیر پا ک و ہند کے مسلمانوں کے خوابوں کی تعبیر ہے۔اس عظیم مسلم سلطنت کا خواب دیکھنے والے ، اس خواب کی تعبیر کے لیے جد و جہد کرنے والے اور پھر اس خواب کو عملی جامہ پہنانے والے کیا عظیم لوگ تھے۔ ان لوگوں نے کیا کیا نہ سوچا تھا اس مملکت کی تعمیر و ترقی کے لیے ۔پاکستان کو اسلام کا قلعہ بننا تھا لیکن ہم لوگوں نے کیا کیا؟ ادھر اس کے بانی نے آنکھیں موندھیں اور ادھر ہم اس کی ترقی کی بجائے اس کی تخریب میں سرگرم ہو گئے۔افسوس صد افسوس کہ ہم بحیثیت ایک قوم کوئی بھی ایسا کارنامہ سرانجام نہ دے پائے جو ہمارے آباءکی ارواح کے لیے باعثِ تسکین ہوتا۔شفیق سلیمی کو اس بات کا شدید قلق ہے ۔

سر میں ایک سودا تھا ، بام و در بنانے کا
آج تک نہیں سوچا ہم نے گھر بنانے کا

لیکن کیوں؟ اس کا جواب ہم سب جانتے ہیں۔معاشرتی تنظیم کی عدم موجودگی، بنیادی اخلاقی اقدار سے روگردانی،منزل کے حصول کے جنون کا فقدان، نااہل اور بے بصیرت لوگوں کی پوجا۔ہم لوگ غلط صحیح کی پہچان کھو بیٹھے ہیں۔

جھوٹ کے سامنے اب جھوٹ ہی استادہ ہے
معرکے اب حق و باطل میں نہیں ہوتے ہیں

کسی دیوار میں در کس طرح ہو
کوئی آشفتہ سر باقی نہیں ہے

ایک شوق ایسا بھی ہم نے پال رکھا ہے
بے وقار لوگوں کو معتبر بنانے کا

ہاتھوں میں بجھا ہوا چراغ لے کر
اندھا ہمیں راستہ دکھا رہا ہے

ایسے میں جب عام آدمی حواس گم کر بیٹھتا ہے، شاعر فوری ردِ عمل کے طور پر طفل تسلیوں کا سہارا لیتا ہے۔ جو ہے، جیسا ہے۔۔۔ٹھیک ہے۔

لاکھ کوشش پر بھی گھر کو گھر نہ کر پائے شفیق
اور پھر ہم نے مکاں کو بس مکاں رہنے دیا

لیکن انجام کار

لہر لہر بپھری ہے، قہر قہر دریا میں
بے جواز لگتا ہے، سعی رائگاں رکھنا

زمیں تو خیر زمیں تھی کہ تنگ ہم پہ ہوئی
اک آسماں تھا سو وہ بھی سروں سے جاتا رہا

شاعر کے اندر کا دانشور بیدار ہوتا ہے۔ وہ خرابی کی اصل جڑ سے آشنا ہے۔ وہ جانتا ہے کہ اصلاح کی کوششیں صحیح سمت میں نہیں ہیں۔فرد اور معاشرہ ۔۔دراصل دونوں کی اصلاح درکار ہے۔ دوا کے ساتھ ساتھ اللہ رب العزت کے حضور دعا کی بھی ضرورت ہے۔یہاں شاعر کے اندر کا انسان چیخ اٹھتا ہے کہ مذہب اس مسئلے کا سب سے بہتر حل ہے۔

مسئلہ سارے کا سارا اور ہے
درد ہے کچھ اور چارا اور ہے

برسرِعام یہ کہتے ہیں کہ ہم جھوٹے ہیں
اس بھرے شہر میں زندہ ہے صداقت ہم سے

جو بھی ہم سے بن پڑا کرتے رہے
رت بدلنے کی دعا کرتے رہے

عافیتِ جاں ڈھونڈتا ہوں کنجِ دعا میں
جب وقت مرے واسطے موزوں نہیں ہوتا

شاعر بھی کیا خوش گمان ہوتا ہے۔ اک ذرا ہوا بدلی نہیں کہ اس کے اچھے وقت کے تخمینے شروع ہو جاتے ہیں۔

پھر وہی رُت ہے، پھر نمو کا عمل
ٹہنی ٹہنی، شجر شجر ٹھہرا

زندگی ایک بھول بھلیاں سے کم نہیں۔روزِ اول سے فلاسفر، دانشور، حکماءزندگی اور کائنات کی گتھیاں سلجھانے میں لگے ہوئے ہیں۔ان سربستہ رازوں کا پاجانا اتنا آسان نہیں۔شفیق سلیمی کے ہاں اس حوالہ سے خوبصورت اشعار ملتے ہیں۔

جنگل کا پار کرنا کچھ آسان تو نہیں
رستوں کے درمیان سے رستہ تراشنا

کون ناپے گا سمندر کی طلسمی وسعتیں
کشتیاں تو چل رہی ہیں ساحلوں کے ساتھ ساتھ

ہم نے سب کے سب مجلے پڑھ لیے
زندگی! تیرا شمارا اور ہے

تو کس شمار میں آئے گا، کس خمار میں ہے
زمین دھند میں لپٹی، فلک غبار میں ہے

شفیق سلیمی کی شاعری کا غالب حصہ معاشی و معاشرتی و سیاسی آگہی اور مضامینِ ہجرت پر مبنی ہے۔ لیکن ایسا نہیں کہ ان کے ہاں بس یہی کچھ ہے۔ اپنے پیشروؤں اور معاصر شعراءکے مانند ان کے ہاں مضامین کا تنوع ہے اور محبت کہ کسی عہد میں غزل کا اصل موضوع ٹھہری تھی، ان کے ہاں بھی بدرجہ¿ اتم موجود ہے۔ایک جیتا جاگتا محبوب ہے۔سپردگی کی خواہش ہے۔واضح رہے کہ سپردگی کی خواہش ہے، سپردگی نہیں۔ہلکے پھلکے معاملاتِ عشق کہ کسی دور میں معاملا بندی کہلائے ،بھی دکھائی دیتے ہیں۔

تو اک بھرپور غزل ہے
تجھے مصرعہ مصرعہ گاؤں

ساری تعبیریں ہیں اس کی، سارے خواب اس کے لیے
ہر سوال اس کے لیے ہے، ہر جواب اس کے لیے

ہونٹوں پہ لرزتی ہوئی خاموش صدا کا
آنکھوں کے دریچوں سے گزر کیسا لگا ہے

لیکن

اُس سنگ صفت کے لیے جاں دے کے بھی دیکھا
وہ موم تو ہو جاتا ہے، ممنوں نہیں ہوتا

وہ کہیں میری ہتھیلی پر نہیں
کیا شفیق اُس کا ستارہ اور ہے

یہ کیفیت بلکہ یوں کہیے کہ حال زیادہ طویل دکھائی نہیں دیتا۔ اور دیروز بن جاتا ہے۔اور یادوں کی شکل میں ظہور پذیر ہوتا ہے۔کہیں ہلکی اور کہیں شدید کسک بن جاتا ہے۔

یہ کیا ہوا کہ کوئی بھی نظر میں جچتا نہیں
وہ کون تھا جو مرے منظروں سے جاتا رہا

جو میرے ساتھ پہنچا منزلوں تک کون ہے یہ
جسے میں چھوڑ آیا راستوں میں کون تھا وہ

وہ تیرا غم تھا، میرا عکس تھا یا واہمہ
جو میرے روبرو تھا آئنوں میں کون تھا وہ

چاند ہی تنہا نہیں ہے بام پر
اک شبِ ہجراں کا مارا اور ہے

بچا تھا ایک جو وہ رابطہ بھی ٹوٹ گیا
خفا جو خود سے ہوئے آئنہ بھی ٹوٹ گیا

کہہ رہے ہیں مجھ سے خوشبو، پھول،پھل اور ذائقے
تم بھی اپنا رنگ بدلو، موسموں کے ساتھ ساتھ

ہمارا شاعر آگے چل کر کیاکارہائے نمایاں سرانجام دیتا ہے۔ قرطاسِ وقت پر اپنے نشان ثبت کر پاتا ہے کہ نہیں،اس کی پیشین گوئی تو کی جا سکتی ہے لیکن فیصلہ قدرے مشکل ہے کہ بقولِ شفیق سلیمی

ابھی سے کیسے تعین ہو راستوں کا شفیق
سفر پہ نکلا ہوں ان دیکھی منزلوں کے لیے

یہی ان دیکھی منزلیں جن کی کھوج میں شفیق سلیمی ہیں، آنے والے عہد میں ان کے ادبی قد و قامت کی ضامن ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔
(نوید صادق)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔
شکریہ: ماہنامہ بیاض، لاہور

پیکٹ کھلا اور شاہین عباس کا مجموعہ کلام ”خدا کے دن“ ہمارے سامنے تھا۔ یہ کیا نام ہوا؟ اس کے پیچھے کیا بات ہے؟ عام بات، عام کام۔۔۔ وہ تو خیر ہم پہلے سے جانتے ہیں کہ شاہین کی فطرت میں نہیں۔ لیکن یہ نام ؟؟ میرے خدا! ”خدا کے دن“ اس نام کی تعبیر میں کتنے دن گزر گئے۔ اور وہ شعر جس سے یہ نام اخذ کیا گیا ،کیا بھلا شعر ہے لیکن یہ بھی ایک عجیب بات ہے، شاید اسی لئے کچھ لوگ کہتے ہیں کہ شاہین کی شاعری سر کے اوپر سے گزر جاتی ہے۔اس میں قصور سر کا ہی گنا جائے گا، شاہین کی شاعری کا نہیں کہ وہ شریف انسان تو شاعری میں پلا بڑھا ہے۔ شاعری اس کا اوڑھنا بچھونا ہے۔یہ دعویٰ تو خیر ہمارے عہد میں کتنے ہی لوگوں کو ہے لیکن تھوڑا برائے نام اور تھوڑا بناوٹی۔ بال بڑھا لئے، حلیہ اوٹ پٹانگ کر لیا، شاعری اور اساتذہء شعر پر ایک دو اعتراضات داغ دیے اور سمجھے کہ شاعری ان کا اوڑھنا بچھونا ہو لی۔ یہ دعوے، یہ اوٹ پٹانگ دعوے اخباروں میں پڑھتے، مجلسوں میں سنتے لطف بھی آتا ہے کہ ہم سب ایک ہی تھیلی کے چٹے بٹے جو ہوئے۔ اُدھر کسی کی پگڑی اچھلی اور اِدھر یار لوگوں کی باچھیں پھٹنے کو آ گئیں۔  یہ اوٹ پٹانگ باتیں ہمارا موضوع نہیں لیکن کیا کیا جائے کہ بات سے بات نکل آتی ہے اور ضبط لازم ہوتے ہوئے بھی ہو نہیں پاتا۔شاہین عباس ایک شاعر ہے، اچھا شاعر ہے، منفرد شاعر ہے،ایک عرصے سے یہ باتیں ہو رہی ہیں۔ لیکن ایسا کیوں ہے ، ہم یہ دعوے کیوں کر رہے ہیں؟؟ اس پر کبھی ہم نے شاید غور کرنے کی زحمت نہیں کی۔نفسا نفسی کا عالم ہے۔جی !یہ میرا آپ کا کام بھی نہیں۔ یہ تو نقادوں کا کام ہے کہ اس کے کلام کی ابعاد دریافت کریں ۔ وہ جو سب کو اچھا لگتا ہے، اس کا اچھا پن بیان کیا جائے، اس کی خامیاں سامنے لائی جائیں۔ لیکن یہاں مسئلہ یہ ہے کہ نقاد بوڑھے ہو لیے، اب وہ کہتے ہیں کہ انہوں نے جو کہنا تھا، جو کرنا تھا وہ کر چکے۔ اب نیا شاعر اپنا نقاد اپنے ساتھ لے کر آئے۔ بات جچتی ہے لیکن نیا نقاد کہاں سے آئے گا۔میں آپ سب نقاد ہیں۔ لیکن ضرورت حوصلے کی ہے اور نیا نقاد یعنی میں اور آپ ابھی اپنے اندر اتنا حوصلہ پیدا ہی نہیں کر پائے کہ شاہین عباس جیسے توانا شاعر پر کُھل کر بات کر سکیں۔ سب سے بڑا مسئلہ تو شاہین خود ہے کہ بحیثیت انسان وہ جتنا سادہ اور عام روشا ہے،بطور شاعر اتنا ہی گنجلک۔ اب اس کتاب کے نام کو ہی لے لیجئے ”خدا کے دن“۔ ایک منٹ ذرا اس شعر کو بھی تو دیکھ لیں
[COLOR="Blue"][CENTER]ایک لکیر شام کی، کہتی تھی درمیاں کی باتخلقِ خدا کا ایک دن، باقی ہیں سب خدا کے دن[/CENTER][/COLOR]   بات کدھر سے کدھر جا نکلی۔تو بھائی بات یہ ہے کہ یہ سیدھا سادا،دھان پان سا انسان اپنے اندر جس شاعر کو لیے پھرتا ہے وہ عام قاری کا شاعر نہیں ہے۔اس کو نہ صرف اپنا نقاد خود پیدا کرنا ہو گا، بلکہ اپنی سطح کے قاری بھی دریافت کرنا ہوں گے۔لیکن میرے اس دعوے کو کوئی غلط رُخ نہ دیا جائے۔ مرزا نوشہ نے کہا تھا نہ سہی گر مرے اشعار میں معنی نہ سہی یہ مرزا غالب کا مسئلہ ہی نہیں تھا۔ لوگ لاکھ اعتراض جڑتے رہیں ادھر پروا کس کو ہے۔ آخر کو کیا ہوا؟ یہ بتانے کی ضرورت نہیں کہ آج غالب فہمی اپنے عروج پر ہے اور اُس وقت کے” معانی نہ ڈھونڈ پانے والوں “جیسے آج ”ماہرِ غالبیات“ کہانے میں فخر محسوس کرتے ہیں۔ ہم جس عہد میں سانس لے رہے ہیں اس کے شاعر، ادیب چونکا دینے والی فضا کی تخلیق میں لگے رہتے ہیں۔کوئی انوکھی بات، کوئی ایسا تجربہ کہ سننے والے ایک دم عش عش کر اٹھیں۔لیکن مطمحِ نظر چوں کہ محض قاری کو ہکا بکا کر دینا ہوتا ہے، شاعر کے ہاں ایک سطحی پن در آتا ہے۔ اور یہی سطحی پن لمحوں، دنوں یا زیادہ سے زیادہ مہینوں میں اس کی تخلیق کی عمر کا تعین کر دیتا ہے۔ اور یوں ہم چند مشاعروں، کچھ ادبی جریدوں، اور ایک آدھ مجموعہ کلام کے بعد ان شعرا کے ناموں سے بھی نامانوس ہو جاتے ہیں۔تخلیقی گہرائی کا فقدان ان حضرات کو لے ڈوبتا ہے۔واہ واہ تو ذوق کے کلام پر ہوئی لیکن ابدی حیات غالب کے حصے آئی۔ شاہین عباس کے چار شعری مجموعے منصہ شہود پر آ چکے ہیں۔ایک سے بڑھ کر ایک،”اسلوب سے مفہوم تک“ آگے کا سفر شاہین عباس کا وتیرہ رہا۔”خواب میرا لباس“ اٹھا کر دیکھ لیجئے۔ سرسری نظر بیچ کے دو مجموعوں پر ڈالیے اور ”خدا کے دن“، یہاں تک آتے آتے شاعر کن دشوار گھاٹیوں سے ہو آیا ہے اس کا اندازہ کوئی تخلیق کار ذہن ہی لگا سکتا ہے۔ ذاتی واردات، خالص ذاتی مشاہدہ، اپنا تجربہ اور گہرا غور وخوض شاہین عباس کی غزل کے بنیادی عناصر ہیں۔ اس کے ہاں ہمیں سنی سنائی باتیں نہیں ملتیں۔سطحی پن نہیں ہے۔ہر چیز ایک خاص ترتیب، خاص سلیقے سے پیش کی گئی ہے کہ اس کے پیچھے ایک جاں کاہ ریاضت ہے۔ ہر چیز کو اپنی تجربہ گاہ سے گزارا گیا ہے۔جہاں اس کا مشاہدہ ،تجربہ اور فکر اس کی عمل انگیز طبیعت کی کٹھالی میں پک کر ایک آمیزے کا روپ دھارتے ہیں۔اور جب یہ آمیزہ ہمارے دل و دماغ پر دستک دیتا ہے تو ہم محسوس کرتے ہیں کہ کچھ ہے جو بالکل نیا ہے، خالصتاً شاہین کا ہے۔
[COLOR="blue"][CENTER]پہلے تو مٹی کا اور پانی کا اندازہ ہوا پھر کہیں اپنی پریشانی کا اندازہ ہواعمر بھر ہم نے فنا کے تجربے خو د پر کئے  عمر بھر میں عالمِ فانی کا اندازہ ہواتیرے ہاتھوں جل اُٹھے ہم، تیرے ہاتھوں جل بجھے ہوتے ہوتے آگ اور پانی کا اندازہ ہو ا

اپنی آوازوں کو چپ رہ کر سنا تب کہیں جا کر یہ ز یر و بم بنے [/CENTER][/COLOR]
شاہین اپنی تاریخ، اپنے ادب اور اپنی مٹی سے جڑا ہوا انسان ہے۔ اس نے غزل کی روایت کے جملہ التزامات کو ملحوظِ خاطر رکھتے ہوئے اِسے جدید حسیت سے آشکارا کیا ہے۔ اس کے ہاں معاملات محبت کے ساتھ ساتھ، معاشی، معاشرتی اور سماجی سچائیوں اور درپیش صورتِ حال پر گہری نظر ملتی ہے۔معاشرے میں جاری و ساری ناانصافی، زوال، اور اقدار کی برہمی پر اس کے ہاں شدید لیکن قدرے سنبھلا ہوا رویہ ملتا ہے۔ جھنجھلاہٹ کہیں بھی اس کی راہ کی رکاوٹ نہیں بن پائی۔محبت اورمعاشرتی معاملات پر قلم اٹھاتے ہوئے اکثر تخلیق کار جلد بازی اور سطحی پن کا شکار ہو جاتے ہیں ۔ فوری ردِعمل ان کی تخلیق کا حسن چھین لے جاتا ہے۔ لیکن شاہین کو کوئی جلدی نہیں ۔ وہ تو معاملات کی تہہ تک جانے کا حوصلہ رکھتا ہے۔ اور خوبی، خرابی کا تجزیہ کرتے ہوئے اس کی جڑ تک پہنچ کر اصل حقائق سے روشناس کراتا ہے۔
[CENTER][COLOR="blue"]میری آنکھوں کا تسلسل تری آنکھیں ہی نہ ہوں تیری آنکھوں میں بھی روتا نظر آیا ہے کو ئی
خاک پر خاک اُڑا ئی ہے ، محبت کی ہےشہر کو شہر کی تعمیر سے پہچانا ہے

یوں جو دروازے بج رہے ہیں یہاں گھر سے اُٹھّاہے بے گھری کا شور تم نے کیا بات کاٹ دی تھی مریگھر میں آتا رہا گلی کا شور
سننے والوں میں اِتنا پردہ ہے کوئی سنتا نہیں کسی کا شور
رات کے ٹوٹتے تاروں میں ہمیں رکھا گیاہمیں پرکھا گیا گرتے ہوئے معیاروں پرداستاں میں جہاں اک دائمی دن ہو تا تھااب وہاں شام اُتر آتی ہے کرداروں پر
خواب کو خوش نما بناتے ہوئے  رات گزری دِیا بناتے ہوئے شہر کے شہر کر دئے مسماراپنا خلوت کدہ بناتے ہوئے
بازا ر میں اجنبی ہوں یعنی پھولوں کی دکان دیکھتا ہو ں
بھرتے بھرتے بھرے گا وقت کے ساتھدامنِ داستان ہے سائیںگھر کہیں بھی نہیں ، کوئی بھی نہیںسب گلی کا گمان ہے سائیں
آخر در و دیوار کے آنسو نکل آئے ہم کو نظر آ تی ہی نہ تھی گھر کی اداسی[/COLOR][/CENTER]
”اصل“ کی تلاش ہر دور میں انسانی فطرت کا خاصہ رہی ہے۔ اللہ تعالیٰ نے انسان کی سرشت میں تفتیش کا مادہ رکھ چھوڑا ہے۔حقیقتِ حال تک رسائی کے لیے ہر دور میں شعرا، ادیب، دانشور، فلاسفہ اپنے اپنے مسلک اور طریقہ کار کے مطابق مصروف کار رہے ہیں۔اس سلسے میں دو مکتبہ ہائے فکر ہمیشہ معروف و مقبول رہے ہیں۔ ایک تصوف یا وجدان اور دوسرا عقلیت یا معقولیت۔ وجدانی کہتے ہیں کہ حقیقت مادی تصورات اور علم کے ذریعے ہماری آگاہی میں نہیں آ سکتی۔ اور عقلیت پرست طبقہ دوسرے سرے پر کھڑا نظر آتا ہے۔ شاہین نے کمال یہ کر دکھایا ہے کہ وجدان اور عقلیت دونوں کو شانہ بہ شانہ لے کر چلا ہے۔ اور جہاں جیسے جو ممکن ہوا، کر دکھایا۔وہ سوال اٹھاتا ہے، وہی صدیوں پرانے سوالات، لیکن پیرایہ اظہار اور اندازبیان اسے دوسروں سے کوسوں دور رکھتے ہیں۔
[CENTER][COLOR="blue"]کبھی حیراں، کبھی ویراں ، تو کبھی شاد آبادمیں خلل ڈالتا آیا ہوں جہاں میں ایسا
حاشیے کے دونوں جانب نام ہیں ، اور صرف نامیہ جو خالی ہے جگہ ، یہ بھی کسی کا نام ہے
میں سیڑھیاں چڑھتا چلا جاتا ہوں کہ جالوں اوپر کی وہ تنہائی ، وہ اوپر کی اداسی
شہر میں داخلے کی شرط ، جسم نہیں تھا ، روح تھی  جسم کا جسم رکھ دیا ،سر سے کہیں اتار کر
رات اک دہلیز ایسی آ گئی تھی خواب میں رات کچھ کچھ اپنی پیشانی کا اندازہ ہوا
کوئی تو بات ہے کہ دن آج بھی ختم ہو گیایوں ہی یہ رات ہے رواں ، پھر بھی رواں یونہی نہیں
سمتوں کا اِس قدر خیال ؟ سمتوں کا اِس قدر ملال؟چاروں کے بیچ بیٹھ کر ، چاروں کا غم کیا گیا
ہمیں توآتے جاتے ہی ملا ہے جب بھی دیکھا ہےیہ روزانہ کا جھونکا کیا پتہ کتنا پرانا ہے[/COLOR][/CENTER]
شاہین کا اصل مسئلہ” خدا“ نہیں” انسان“ ہے ۔ اسے انسان سے دل چسپی ہے۔ اپنے جیسے جیتے جاگتے انسان سے۔ اس انسان کے معمولات سے، اس کے شب و روز سے، اس انسان کی خوشیاں، اس کے دکھ سکھ اس کی شاعری کا موضوع ہیں۔ عہدِ حاضر کا انسان جن نفسیاتی مسائل سے دوچار ہے، شاہین کے ہاں ان کا انتہائی مخلصانہ تجزیہ ملتا ہے۔ اس انسان کی حقیقت کیا ہے، اور حیثیت کیا؟ یہی وہ چیزیں ہیں جو اس کے شب و روز کا وظیفہ ہیں۔
[COLOR="blue"][CENTER]ایک شکن وصال کی ، ایک شکن فراق کی سِلوٹیں پڑ گئیں ہیں دو ، جامہ ءدستیاب میں  اب جو گھر اِن پہ گرا ہے تو کُھلے ہیں ، ورنہ  یہ مکیں ، لگتا نہیں تھا ، کہ مکاں والے ہیں   مٹی کو عذاب ہو رہا ہےتعمیر مری تمام کیجئےپتھر ہے، کلام جانتا ہےاس شخص کو ہم کلام کیجئے لوگ ہم جیسے بھی کچھ دیر گوارا کیے جائیںایک نام ایک ندا پر جو گزارا کیے جائیں شہر کا ماجرا نہ پوچھ، شہر تو یوں ہوا کہ بس!گھر میں کوئی گلی ہوئی، جیسے گلی میں گھر ہواگم شدہ شخص تھا سو میں پایا گیا وہیں کہیںخواب کی لو جہاں پڑی، خاک کا رخ جدھر ہوا[/CENTER][/COLOR] yeats نے ایک جگہ لکھا ہے کہ وقت کے علاوہ اس کا کوئی دشمن نہیں ہے۔ وقت، خصوصاً گزرتا وقت شاہین عباس کا مسئلہ بھی ہے لیکن شاہین عباس نے وقت کو دشمن کی شکل میں پیش کرنے کی بجائے ایک منصف اور جاری و ساری قوت کے طور پر ابھارا ہے۔انسان اپنے معاملات میں اس قدر الجھ کر رہ جاتا ہے کہ وہ گزرتے وقت سے قطعی بے خبر ہو کر رہ جاتا ہے۔ رواں دواں وقت کے تقاضے اس کے دھیان کی قرطاس پر اپنی جگہ نہیں بنا پاتے اور جس وقت اسے اپنی اس کوتاہی کا احساس ہوتاہے، منظر بدل چکا ہوتا ہے۔ بہت کچھ پیچھے رہ جاتا ہے۔اور انسان پچھتاوے اور مایوسی کا شکار ہو کر رہ جاتا ہے۔بعدازاں یہی پچھتاوا اور مایوسی اس کے مسائل کے بنیادی مآخذٹھہرتے ہیں۔ماضی اسکے دھیان میں گونجے لگتا ہے۔
[CENTER][COLOR="blue"]پانی یہاں سے چل دیا ، تجھ کو پکارتا ہوا بیٹھا اب اپنے حوض پر ، پانی کا انتظار کر
ایک گھیرا وقت کا ہے دوسرا نا وقت کا  خود نگر ! کچھ اپنی نگرانی کا اندازہ ہو ا؟
آج گئے دنوں کے ساتھ ، اپنی گلی میں کیا گئے  بند تھا در ، خفا ہوا ، خالی تھا گھر ، برس پڑا
انگلیا ں خاک میں اب پھیر رہے ہیں افسوسبات نمٹا نہ سکے لوح و قلم ہوتے ہوئے
گلی کی ساری تصویروں میں جیسے جان پڑ جاتی  یہ آوازہ ، بُرا کیا تھا ، اگر آواز ہو سکتایہ دن اور رات جس جانب اُڑے جاتے ہیں صدیوں سےکہیں رُکتے ، تو میں بھی شاملِ پرواز ہو سکتا چلتے پانی کا کیا کیا جائے  اِس کہانی کا کیا  کیا جائے پانی پہ مذاق بن  گئے ہم  کشتی میں نہ تھی جگہ ہماری
یہ وقت کا آخری  ورق ہے  اور یہ بھی کہیں اُلٹ نہ جائے
ہم تھے کہ رات دن کے داغ ، جیسے صدی صدی کے باغ  یعنی گزرتے وقت کا ، ہم پہ بہت اثر ہوا عجب کیا وقت کا یہ آخری پھیرا ہو یاں پر گلی کوچے اب اِس رہ گیر سے تنگ آ گئے ہیں[/COLOR][/CENTER]
ظفر اقبال نے ”وابستہ کے دیباچے میں شاہین عباس کو کرافٹ کا آدمی قرار دیا ہے۔ ہم اس بات سے کلیتاً اتفاق کرتے ہیں لیکن اس میں اس قدر اضافہ کرنا چاہیں گے کہ شاہین محض کرافٹ نہیں، بلکہ فکر اور گہرا شعور رکھنے والا انسان بھی ہے۔ اس کے خیالات ، احساسات،اس کے موضوعات کا تنوع اسے اپنے ہم عصروں میں ممتاز کرتے ہیں۔اس پر یہ کہ اس کی ہاں اپنے موضوعات کی پیش کش کا جو انداز سامنے آتا ہے وہ انتہائی دلکش اور انوکھا ہے۔وہ اپنی سحرکار پیکر تراشی اور نادرہ کار استعارہ سازی، نئے تلازموں، نئے اظہاری سانچوں اور خوش آہنگ تراکیب کے ذریعے مفاہیم اور اسلوب کے نئے جہان دریافت کرتا چلا جا رہا ہے۔شاہین عباس کی شاعری ہر لحاظ سے ایک نئے عہد میں ایک نئے انسان کی شاعری ہے جس کے مسائل اگلوں سے مختلف ہیں۔  شاہین عباس کا تخلیقی سفر جاری ہے۔”خدا کے دن“ میں درج تجربات اس بات کی گواہی کو بہت ہیں کہ ایک جہانِ معنی اس کے سامنے ہے، جس پر اس کی گرفت دن بدن مضبوط سے مضبوط تر ہوتی چلی جا رہی ہے۔
[CENTER][COLOR="blue"]کچھ اضافہ کیا ہے کچھ ترمیمخود کو اک واقعہ بنا دیا ہے
یہ جو ہم کچھ کہتے کہتے کچھ بھی کہ پاتے نہیں زندگی شاید اِسی پیغمبری کا نام ہے[/COLOR][/CENTER] ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔[LEFT][COLOR="Red"](نوید صادق)[/COLOR][/LEFT]

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔یہ مضمون شاہین عباس کی کتاب ’’خدا کے دن ‘‘ کی تقریب میں پڑھا گیا۔ بعدازاں ماہنامہ “بیاض ‘‘ میں شائع بھی ہوا۔

یہ مضمون کچھ دن قبل فیس بُک پر ایک ادبی گروپ میں منعقدہ جناب ناصر علی کی کتاب “اور” کی تقریبِ رونمائی کیلیے لکھا گیا تھا، یہاں بھی دوستوں کے ساتھ شیئر کر رہا ہوں۔
——
بات کو ایک وضاحت سے شروع کرنے کے سوا میرے پاس کوئی چارہ نہیں ہے اور وہ یہ کہ خاکسار نہ تو کوئی نقاد ہے اور نہ ہی اس کا کتابوں پر مضمون لکھنے کا کوئی تجربہ ہے بلکہ کسی بھی کتاب پر مضمون لکھنے کا یہ پہلا تجربہ ہے۔، بلکہ پہلا تجربہ کیا مجھے تو کوئی کتاب بھی اس طرح زندگی میں پہلی بار ملی ہے، اس سے پہلے ایک دو ادبی جریدے ملے تھے لیکن کتاب کا ملنا ایک بالکل ہی نیا تجربہ تھا اور اس پر مستزاد مضمون لکھنا سو اس مضمون میں روایتی اور سکہ بند ادبی مضمونوں والی یقیناً کوئی بات نہیں ہوگی بلکہ کتاب پڑھ کر جو بھی میں نے محسوس کیا صاف صاف اور سیدھے سیدھے لفظوں میں لکھ دیا ہے۔ آپ کہہ سکتے ہیں کہ میں نے ناصر علی صاحب کی کتاب کو تختۂ مشق بنایا ہے، اور اس کا آپ کو پورا حق ہے، لیکن یہ بات کہنے کا مجھے بھی حق ہے کہ ناصر علی صاحب نے خود اپنی کتاب کو میرے ہاتھوں سے تختۂ مشق بنوایا ہے سو اس مضمون کے پردے سے جو کچھ بھی نکلے گا اس کی ساری ذمہ داری ناصر علی صاحب پر ہے۔
کوئی دو ہفتے ادھر کی بات ہے، شام کو تھکا ہارا اپنے کمرے میں بیٹھا تھا، حسبِ معمول سوچ رہا تھا کہ کیا پڑھوں، آزاد کی دربارِ اکبری شروع کر رکھی تھی لیکن اس کو پڑھنے کو دل نہیں کر رہا تھا، آزاد کی انشا پردازی اپنی جگہ لیکن کچھ معرکوں کو اتنی طوالت دی ہے کہ جی اوب جاتا ہے اور میں کتاب کے کسی ایسے ہی مقام پر تھا، ابھی انہی سوچوں میں تھا کہ آج کی رات کس کے ساتھ بسر کی جائے کہ فون کی گھنٹی بجی فون کسی اجنبی نمبر سے تھا، خیر سنا، آواز آئی۔ “ایک لاوارث، محمد وارث کو ڈھونڈ رہا ہے۔” یقین مانیے یہ شگفتہ جملہ سن کر ساری تھکاوٹ اور کلفت ہوا ہو گئی اور کچھ دیر تک خوب مزے کی گپ شپ ہوئی اور اگلی گفتگو کیلیے یہ بات تمہید ہو گئی۔ یہ تھا میرا ناصر علی صاحب سے تعارف، گو فیس بُک پر ان سے “آشنائی” تھی لیکن فیس بُک کی آشنائی کسی کالج یا یونیورسٹی کے مختلف جماعتوں کے طالب علموں کی آپس میں آشنائی جیسی ہی ہوتی ہے۔ اس پہلی گفگتو میں ناصر علی صاحب نے مجھے دو کتابیں بھیجنے کا مژدہ سنایا، ایک رفیع رضا صاحب کی اور ایک انکی اپنی “اور” جس کی تقریب کے سلسلے میں ہم سب موجود ہیں۔
خیر، ایک دو دن بعد دونوں کتابیں ملیں، اور جیسا کہ بہت سے لوگوں کی عادت ہوتی ہے کہ ایک دم ہی سے کتاب ابتدا سے شروع نہیں کرتے، میں نے بھی کتاب کی ورق گردانی شروع کی جیسے جیسے اشعار نظر سے گزرتے گئے، میں سرشار ہوتا گیا اور غالب کا مصرع “میں نے یہ جانا کہ گویا یہ بھی میرے دل میں ہے” بار بار دماغ میں تازہ ہوتا رہا۔ ناصر صاحب سے پھر بات ہوئی نے ان کا حکم تھا کہ اس پر کچھ لکھوں بھی۔
لکھنے کا ذہن میں آیا تو سب سے پہلے جو لفظ میرے ذہن میں آیا وہ “وشوامتر” تھا، یہ ہزاروں سال قبل کے ایک رشی کا نام، ہے جس کا لفظی فارسی ترجمہ علامہ اقبال نے “جاوید نامہ” میں “جہان دوست” کے نام سے کیا ہے۔ اور ناصر علی کی ذات اور کتاب پر مضمون کیلیے مجھے یہ نام انتہائی موزوں لگا کیونکہ ناصر علی جہان دوست ہیں۔ کچھ عرض کر دوں۔
علم دوست ایک اصطلاح ہے جو بہت مشہور ہے اور بہت فخر کے ساتھ استعمال کی جاتی ہے لیکن یہ علم دوست اصطلاح بہت گمراہ کن ہے، خالی خولی علم دوستی کسی کام کی نہیں ہے، کیونکہ صرف علم سے محبت ضروری نہیں کہ آدمی کو انسان بنا دے، علم آدمی کو وحشی درندہ بھی بنا سکتا ہے اور اس نے بنایا ہے، تاریخِ عالم اس بات پر گواہ ہے اور اسی لیے مولانا رُومی نے کہا تھا
علم را بر تن زنی مارے بُوَدعلم را بر دل زنی یارے بُوَد
علم دوستی کے ساتھ اگر انسان دوستی نہیں ہوگی تو وہ علم سانپ ہی بنے گا، اور اگر علم دوستی کے ساتھ انسان دوستی بھی شامل ہو جائے تو وہ جہان دوستی ہو جائے گی اور مجھے کہنے دیجیئے کہ ناصر علی کہ شاعری میں علم دوستی کے ساتھ انسان دوستی ہے اور وہ خود جہان دوست ہیں یعنی کہ وشوامتر۔ اور جو جہان دوست ہے وہ سب سے پیار کرے گا، اس جہان سے بھی جو “فتنہ و فساد” کی آماجگاہ ہے، دیکھیے گا کیا کہتے ہیں ناصر علی
جہانِ خوبصورت میں ہوا خوشمیں اس مٹی کی مورت میں ہوا خوش
میں لامکاں کے لیے کیوں مکاں کو رد کر دوںزمیں اماں ہے میں کیسے اماں کو رد کر دوں
ایسا انسان دل کا صاف ہوگا
ناصر علی میں نے دلِ زندہ میں بہت کچھرکھا ہے مگر میل ملا کر نہیں رکھا[IMG]http://3.bp.blogspot.com/-Gw-XYv6YPDk/TWfUGMfZn_I/AAAAAAAAAu4/96LgKybKPFk/s1600/Aur%2B-%2BNasir%2BAli.jpg[/IMG]
ایسا انسان دینِ محبت کا ماننے والا اور کیشِ انسانیت پر چلنے والا ہے
ہمارا دین تو ناصر علی محبت ہےاسی طرح کے مسلمان میں خدا ملے گا
سامنے اس کے کھڑے ہو کے کھڑے کیا ہونگےیار ہم لوگ محبت سے بڑے کیا ہونگے
زباں پہ لفظ، بدن میں لہو محبت ہےتجھے خبر ہی نہیں ہے کہ تو محبت ہے
آدم زادو، سب کا اس میں فائدہ ہوگاانسانیت تو سب کے مطلب کا حق ہے
ایسا انسان وسیع المشرب صوفی ہوگا، جو پکار پکار کر کہے گا کہ اے خدا کے بندو اگر کسی منزل کی تلاش ہی میں ہو تو اپنی نظر منزل پر رکھو، راہ اور راستے کے جھگڑوں میں کیوں پڑتے ہو، پیار محبت کے ساتھ بھی تو یہ راستے کاٹے جا سکتے ہیں
اس دنیا کے خالق کے گھر جانے والےجتنے ہم ہیں اتنے رستے ہو سکتے ہیں
بجھاؤ پیاس مگر پیار کی سبیل کے ساتھبٹھاؤ لکشمی دیوی کو میکَئیل کے ساتھ
کچھ ایسا نقشۂ انسانیت بناؤ تمکہ دیوتاؤں کا جھگڑا نہ ہو خلیل کے ساتھ
ایسا انسان دلوں کی خلیج کو پاٹے گا نہ کے رشتۂ الفت کو کاٹے گا، کہتے ہیں کسی نے بابا فرید کی خدمت میں ایک قینچی پیش کی، آپ نے کہا مجھے قینچی مت دو جو کاٹتی ہے بلکہ سوئی دو جو سیتی ہے، میں نے ناصر علی کو صوفی کہا تو غلط نہیں کہا
لگے جو ہاتھ قلندر ترا سوئی تاگادلوں کے بیچ پروتا رہوں دھمالوں کو
جہان دوست اور انسان دوست، حضرتِ انسان کی عظمت کے گن گائے گا، اس کا دل انسان کے لیے دھڑکے گا اور اس کا دماغ انسان کی فلاح اور امن کیلیے ہی سوچے گا، فقط انسان کیلیے
نہ خوف کھاؤ کہ اسلام کا ہے یہ قلعہبناؤ اپنا کلیسا اسی فصیل کے ساتھ
خدا کرے کہ مرے گیت ہوں فلسطینیخدا کرے کہ انہیں گاؤں اسرَئیل کے ساتھ
ہمارے چشمۂ زم زم کو بھی خوشی ہوگیاگر تجھے ترے اشنان میں خدا ملے گا
اور یہ بھی بتائے گا کہ اپنی اور انسان کی معرفت ہی خدا کی معرفت ہے
اسی تڑپ، اسی میلان میں خدا ملے گاقریب آ، تجھے انسان میں خدا ملے گا
پکار حضرتِ انسان کے لیے لبیکتجھے اسی رہِ آسان میں خد املے گا
اٹھائے پھرتا ہوں تسبیح بھی صلیب کے ساتھمجھے اسی سر و سامان میں خدا ملے گا
اور ایسا انسان اپنی ذاتی زندگی اور روزمرہ کی زندگی میں بھی انہی رویوں کا مالک ہوگا۔ اردو شاعری میں ماں کی عظمت اور ماں کی محبت پر بہت کچھ لکھا گیا ہے، باپ کی عظمت پر شاید ہی کوئی شعر میری نظر سے گزرا ہو، ناصر علی کا شعر دیکھیے
میں اپنے باپ سے ناصر علی بڑا خوش ہوںیہ میرا باپ نہیں چار سو محبت ہے
اور یہ چار سو محبت خود ناصر علی کا روپ دھار لیتی ہے جب وہ خود بحیثیت شوہر اور باپ کے کہتا ہے
مرا نو سال کا بیٹا ہے ناصرمیں بیٹے کی حضورت میں ہوا خوش
میری بیوی مرے بستر پہ سنورتی ہوئی راتمیرا بیٹا، مرے ہاتھوں میں ہمکتا ہوا دن
اپنے گرتے ہوئے بالوں میں کہاں دیکھتا ہوںزندگی میں تجھے بچوں میں رواں دیکھتا ہوں
اور ایسان انسان دوست اور جہان دوست انسان جب اپنے اردگرد ہمہ گیر مذہبی منافرت اور منافقت پھیلی ہوئی دیکھتا ہے تو بے اختیار چلا اٹھتا ہے
ڈرا رہے ہو بہت آتشِ جہنم سےتمھارے دین کی لگتا ہے لاج آگ سے ہے
ارے یہ کوئی طریقہ ہے بات کرنے کاوہاں کا ذکر کروں اور یہاں کو رد کر دوں
اور ایسا انسان اپنے معاشرے سے اور اس میں آکٹوپس کی طرح پھیلے ہوئے غلط اور بیمار ذہنیت کے مظہر رویوں سے، اور معاشرے کے معاشی، معاشرتی اور سیاسی معاملات سے کیسے لاتعلق رہ سکتا ہے سو ببانگِ دہل اظہار کرتا ہے
کبھی خیرات کے بل اور کبھی صدقات کے بلپیر مشہور ہوا ایسی کرامات کے بل
عجب فسانۂ ھل من مزید سنتا ہوںذرا خدا نے جو دوزخ میں لات کی اور بس
کل شب سر میں درد تھا میرے، اور ہمسایے میںاللہ ھُو، اللہ ھُو، اللہ ھُو نے تنگ کیا
آسماں نامِ خدا لگ گئے ہیں سات کے ساتاور زمیں نامِ زمیندار لگا دی گئی ہے
جدھر بھی جاؤں میں ناصر علی، تباہی ہےوطن فسانۂ عاد و ثمود لگتا ہے
بتا رہی ہے لگی آگ شہر شہر مجھےکہ بادشاہ سلامت کا تاج آگ سے ہے
ناصر علی اس شاہ کی ہم لوگ رعایاجس شاہ کی تعظیم گرانی سے بھری ہے

[COLOR="blue"]خرد افروزی – جزا یا سزا[/COLOR]
ایک الہامی کتاب میں ہے کہ آدم و حوا کو جنت سے اس لیے نکالا گیا کہ انہوں نے “نیک و بد” کی پہچان والے درخت کا پھل کھا لیا تھا سو وہ خدا کی مانند نیک و بد کی پہچان کرنے والے بن گئے سو بطورِ سزا جنت سے نکال دیے گئے۔
جی، نیک و بد کی پہچان یعنی عقل مندی اور خرد افروزی گناہ ہے اور سزا بھی رکھتی ہے۔ اور یہ صرف ایک مذہب کا حال نہیں ہے، تمام مذاہبِ عالم “عقل” کے خلاف ہی رہے ہیں۔ جب ابنِ رُشد نے کہا تھا کہ سچائیاں دو ہیں، ایک مذہب کی اور دوسری فلسفے کی تو ساری اسلامی علمی دنیا امام غزالی کی قیادت میں اسکے خلاف اٹھ کھڑی ہوئی اور اسلامی دنیا میں ابنِ رشد کے اس خیال کی مکمل بیخ کنی کر دی گئی لیکن اسپین اور فرانس کے کچھ علما اور طلبا کے اذہان میں یہ خیال جڑ پکڑ گیا اور پھر باقاعدہ ایک تحریک بنی، اور فلسفے کی تاریخ میں یہ تحریک “ابنِ رشدیت” کے نام سے جانی گئی جس نے فلسفے اور سائنس کو کلیسا کی قید سے آزاد کروانے کی بنیاد رکھی۔
یہ معروضہ یوں ذہن میں آ گیا کہ کتاب کے مطالعے کے دوران مجھ پر یہ بھی انکشاف ہوا کہ ناصر علی کے شعروں میں کچھ سائنسی اور فلسفیانہ نظریات بھی آ گئے ہیں، نہ جانے کیسے۔ مجھے نہیں علم کہ ناصر علی نے خالص سائنس کا مطالعہ کس حد تک کیا ہے لیکن یہ ضرور جانتا ہوں کہ شاعروں کے الہام پر سائنسدان عش عش کر اٹھتے ہونگے۔ مثلاً یہ اشعار دیکھیے جن میں ناصر علی انہی باتوں کا اظہار کیا ہے۔
خوش ہو رہا ہوں، دانشِ انساں نے لے لیارستہ میانِ شمس و قمر اپنے ہاتھ میں
سائنس حواسِ خمسہ سے باہر کسی چیز کو نہیں مانتی۔
شعاعِ شوق کہے، آنچ کا بنا ہوا ہوںمگر حواس کہیں، پانچ کا بنا ہوا ہوں
اس کائنات کا وجود ہی توازن پر ہے، توازن نہ ہو تو یہ کائنات پلک جھپکنے میں تباہ و برباد و فنا ہو جائے
مرے بدن کا توازن بتا رہا ہے مجھےکہ میں ضرور کڑی جانچ کا بنا ہوا ہوں
——–زمیں سے تا بہ خلا مستقل تحرّک ہےسو طے ہوا ہے کہ ہیجان میں خدا ملے گا
مادہ کی سب سے چھوٹی اکائی کسی زمانے میں ایٹم تھی، پھر ایٹم بھی ٹوٹا اور اسکے اندر مزید چھوٹے ذرات دریافت ہو گئے، الیکڑون،پروٹان، نیوٹران، یہ بھی ٹوٹے مزید چھوٹے ذرے دریافت ہوئے۔ بات یہیں رکی نہیں، کوانٹم تھیوری نے ثابت کیا کہ مادہ ٹھوس حالت میں ہے ہی نہیں، بلکہ مادہ بھی متحرک لہروں یا ویوز سے بنا ہے، اب یہ ناصر علی کا الہام ہی ہے جو اوپر والا شعر ہوا۔
——اے رہِ عمرِ رواں، کیا ابتدا، کیا انتہااک تسلسل ہے یہاں، کیا ابتدا، کیا انتہا
یہ شعر سٹیڈی اسٹیٹ تھیوری ہے کہ کائنات ازل سے یونہی ہے اور ابد تک یونہی رہے گی۔
——-میں اک ایسا خط ہوں ناصر جس کو کھینچنے والاجتنا سیدھا کھینچ لے اس میں خم رہ جاتا ہے
اس شعر میں مجھے لگتا ہے کہ ناصر علی نے انسانی خمیر میں جو روایتی ٹیڑھ ہے اسکا ذکر کیا ہے، اگر ایہام گوئی کا دور ہوتا تو میں کہتا کہ یہ قریب کے معنی ہیں، دُور کے معنی کچھ اور ہیں اور وہی شاعر کے پیشِ نظر ہیں کہ کسی زمانے میں دو متوازی اور سیدھی لائنوں کی تعریف یہ کی جاتی تھی کہ وہ کبھی بھی آپس میں نہیں ملتیں اور انفینٹی یا لامحدودیت تک ایسے ہی سیدھی اور متوازی رہیں گی۔ آئن سٹائن کے تھیوری آف ریلیٹی وٹی نے ثابت کیا ہے اس کائنات میں نامحسوس سا خم ہے، سو دو متوازی اور سیدھی لائنیں بھی کسی نہ کسی مقام پر آپس میں جا ملیں گی۔[IMG]http://4.bp.blogspot.com/–JRlCoWdr4w/TWfVwV8p2OI/AAAAAAAAAvI/Yqb1nblWRTY/s1600/Aur%2B-%2BNasir%2BAli_1.jpg[/IMG]
[COLOR="blue"]روایتی شاعری سے متنفر ناصر علی[/COLOR]
ذاتی طور پر مجھے عشق و محبت اور گل و بلبل کی حکایات سے پرخاش نہیں ہے، میں اسے بھی شاعری کا عظیم جزو مانتا ہوں بشرطیکہ وارداتِ قلبی شاعر کی اپنی ہو، احساسات اسکے اپنے ہوں، اندازِ بیاں اسکا اپنا ہو، خیال آفرینی کی طرف اسکی توجہ ہو اور اس سے ہم انکار بھی نہیں کر سکتے کیونکہ جتنے انسان ہیں اتنے ہی سب کے اپنے اپنے منفرد احساسات ہیں سو ان کو سننے میں کچھ حرج نہیں۔
لیکن صرف شعر برائے شعر کہنا اور وہ بھی کسے سچے جذبے کے بغیر واقعتاً جگالی ہی ہے، ناصر علی اس حقیقت کا مکمل ادراک رکھتے ہیں اور اسکا اظہار بھی کرتے ہیں۔
چھوڑو ابہام کی باتیں فقط اتنا سوچوشاعروں نے بھی یہاں شعر گھڑے کیا ہونگے
اے کسی حسنِ تغزّل کو ترستی ہوئی آنکھشعر بنتا ہے مری جان کسی بات کے بل
تمھارے شعر کے پچّیس تیس مضموں ہیںجگالتے ہو مسلسل انھی خیالوں کو
سمجھ پڑے جو یہاں نوجواں دماغوں کوتمھارے شعر میں ایسی زبان ہے کہ نہیں
غزل میں عشق و محبت کی بات کی اور بسخراب ایک حسینہ کی ذات کی اور بس
مت یوں ہی لفظ ڈھال شعروں میںبات دل سے نکال شعروں میں
غزل غزل وہی مضمون باندھتے ہیں ہمغزل غزل وہی طرزِ کہن چلی ہوئی ہے
بات کو زلفِ گرہ گیر سے باندھا ہوا ہےشعر کو حسن کی تفسیر سے باندھا ہوا ہے
اور آخر میں ناصر علی کی کتاب میں موجود غزلوں کی زمینوں اور ردیفوں کے متعلق کچھ عرض کرنا چاہونگا کہ کتاب پڑھتے ہوئے یہ خوشگوار احساس بھی قاری کو اپنی لپیٹ میں لیتا ہے کہ جو شاعر دوسروں کو جگالی کرنے سے منع کر رہا ہے وہ خود بھی اس “گناہ” سے پاک ہے۔ ناصر علی کی زمینیں منفرد اور انکی اپنی ہیں، ردیفیں جو بقول مولانا شبلی نعمانی اردو فارسی شاعری میں سم و تال کا سا کام دیتی ہیں وہ انتہائی خوبصورت ہیں، میں چاہ رہا تھا کہ ان ردیفوں کی نشاندہی کر دوں لیکن مضمون کی طوالت کے خوف سے قلم زد کرتا ہوں کہ جو احباب کتاب دیکھ چکے ہیں وہ جانتے ہی ہیں اور جو دیکھیں گے وہ جان جائیں گے۔
محمد وارثسیالکوٹ20.02.2011

از رانا راشد ادریس

جہالت اور برَبریت میں صرف وہ لوگ شامل نہیں جنہوں نے کبھی سکول کا منہ نہیں دیکھا، بلکہ بہت پڑھا لکھا طبقہ بھی اس میں پوری طرح شامل ہے، صرف فرق ہے طریقہ کار کا، پڑھےلکھے لوگوں نے اس کو ایک فیشن بنا لیا ہے، ایک رسم کے طور پر جرم ، برائی یا زیادتی کی جاتی ہے، اور پھر اس پر فخر بھی کیا جاتا ہے،اس چرچا کیا جاتاہے اور احباب کو بہت فخر سے بتایا جاتا ہے۔ دنیا میں جرائم کے تناظر میں اگر سروے کیا جائے، تو مجھے عین یقین ہے کہ پڑھے لکھے معزز لوگوں کی شرح جرم ان پڑھ لوگوں سے کہیں زیادہ ہے، ہمارے ہاں ایک طبقہ ایسا بھی ہے جو جرائم کو ایک فیشن سمجھ کر اپناتاہے، پھر عادت ثانیہ، اور پھر خصلت!!!!!!!!!!!

جس کا انجام بلا آخر معاشرتی بد حالی، بے راہ روی اور بد ترین واقعات کی شکل میں سامنے آتا ہے۔

برائی کیا ہے؟

میں خود سے سوال کرتا ہوں کہ برائی کیا ہے، کسی سیانے کا کہنا ہے کہ “برائی یہ نہیں کہ ہمارے گھر کے دروازے پر گندگی پڑی ہے بلکہ برائی یہ ہے کہ ہمیں وہ گندگی نظر نہیں آتی”

جب ہم میں سے برائی کا احساس ختم ہو جاتا ہےتو ہم فطری طور پر مر چکے ہوتے ہیں ہمارے اندر سے انسانیت ختم ہو چکی ہوتی ہے، پھر نا رشتے خون کے رہتے ہیں نا بھائی چارے کے، نا اپنے کی تمیز نا پرائے کی، نا اخلاقیات نا خاندانی اقدار۔

چلو سب مل کر دعا کرتے ہیں کہ اللہ تعالٰی ہمارے احساس کو زندہ کردے، ہمارے دلوں پر جو گناہ اور جہالت کے قفل ہیں، برائیوں کے سیاہ داغوں نے ہمیں ہمارے راستے سے بھٹکا دیا ہے، اللہ تعالٰی ہمیں صراط مستقیم پر چلنے کی توفیق عطا فرمائے،

آمین ثم آمین!!!!!!!!!!!!!!!!!!!!!!!!!

طالب دعا رانا راشد